Por que é preciso votar ao nacionalismo de esquerdas para a Xunta de Facultade?

Por que é preciso termos á esquerda representándonos nas Xuntas de Facultade?

Nos tempos que corren os estudantes temos que dotarnos de mecanismos de defensa ante o desmantalemento dos servizo públicos que se ven impulsando nos últimos anos polos lobbies de presión financeiros e empresariais. A actual crise económica na que nos atopamos está servindo de perfecta excusa aos gobernos do Estado e a Xunta para recurtar as partidas orzamentarias dedicadas á Universidade.

Esta realidade podémola ver cunha mínima análise, que moitas veces se nos oculta, e que afectará especialmente aos estudantes de Boloña. Por exemplo, este último ano reduciuse a proporción de bolsas a fondo perdido (as bolsas tradicionais) polos préstamos-renta. As condicións destes préstamos, que substituirán ás tradicionais bolsas cando os estudantes de Boloña queiran realizar un posgrao ou máster, terán que ser devoltos CON INTERESES, que segundo a orde ministerial de Ciencia e Tecnoloxía do 18 de decembro de 2010 aproximarase ao índice do Euribor, situado nun 1,5% actualmente.

Así mesmo, USC aprobou este ano uns orzamentos enormemente restrictivos co apoio dos colectivos universitarios de dereitas, algo que supón unha redución brutal da calidade de servizos como o de Bibliotecas, cuxas partidas diminuíron preto dun 40% (podédelo comprobar na páxina 24 da Presentación dos Orzamentos aos Departamentos). Ademais esta restricción da Xunta, asumida sen resistencia pola Reitoría, trouxo consigo un recorte do 75% dos remanentes da facultade de Ciencias da Comunicación, é dicir, dos aforros que esta facultade leva gardando dende hai anos. Consecuencia desta política? A facultade conta agora mesmo cun orzamento máis que reducido para mercar material de calqueira tipo imposibilitando unha mellora da oferta académica en materias como a de fotografía, que non pode dotarse de máis cámaras.


Por que é preciso termos ao nacionalismo representándonos nas Xuntas de Facultade?

A Univesidade non pode seguir sendo, como pasou ao longo da historia, unha institución desconectada da realidade socio económica do país. Ten que actuar como un axente ao servizo do desenvolvemento de Galiza e da cultura e lingua que nos diferenza como pobo. A USC, e a nosa facultade concretamente, deben desempeñar unha labor activa na normalización e dignificación da lingua que nos é nosa, non só na vida académica senón tamén no panorama mediático no que nos inseriremos ao saír da facultade. Non podemos seguir formando xornalistas que non teñan dereito a exercer xornalismo en galego no futuro. Non podemos seguir formando xornalistas que teñan que marchar da terra por non termos traballo. A Universidade como institución científica ao servizo da verdade debe ser un espazo de reflexión e debate sobre como podemos ter un sistema mediático propio e no noso idioma, de cara a afortalar as bases da nosa democracia e da nosa cultura. Para isto os Comités nos últimos anos fixemos un traballo importante solicitando a reactivación da Comisión de Normalización Lingüística e a aprobación nela de 3 grandes proxectos que vencellan galego e xornalismo.


Por iso mesmo, o 9 e 10 de marzo vota aos candidatos dos Comités a Xunta de Facultade. Vota a:

- Manuel Varela (3º Xornalismo)
- Sara Alonso (3º Xornalismo)
- David Fernández (3º Xornalismo)
- Cibrán Tenreiro (3º Audiovisual)
- Patricia Lamas (4º Xornalismo)
- Miguel Rodríguez (3º Xornalismo)
- Iris Domato (3º Xornalismo)
- Paula Casares (3º Xornalismo)
- David Correa (3º Audiovisual)
- María Bragado (1º Xornalismo)
- David Fontán (1º Xornalismo)
- Antía Geada (1º Xornalismo)
- Ramón Nogueira (1º Xornalismo)
- Cristina Míguez (1º Xornalismo)
- Alexandre Vázquez. (3º Xornalismo)

Programa de radio do estudantado

Os Comités de Ciencias da Comunicación temos entre mans un proxecto para crear un programa feito polo alumnado da facultade. Trátase dun espazo aberto, no que poden participar todas as persoas interesadas e onde poñer en práctica todos eses coñecementos que adquirimos na facultade, así como dunha plataforma para entrar en contacto directo co mundo dos medios de comunicación.

O programa que pensamos desde os Comités chamaríase LEIRA DA LERIA. Trátase dun espazo onde prima a palabra, a reflexión e a cultura mesturado con música e entretemento. O noso proxecto está totalmente aberto para novas aportacións, críticas ou incluso a unha total reformulación do espazo.

Neste espazo que vos propoñemos esixirase un compromiso serio, pois tratarase dun programa que sairá a antena, polo que cada persoa terá que deixar claro de antemán cal será o seu nivel de implicación no proxecto. Haberá un par de persoas fixas que saian cada día en antena para conducir o programa. Ademais, contarase con colaboradores para cada sección e tamén para todo o traballo que hai detrás de cada programa: o guión, a produción, a documentación...

Para levar todo este proxecto a cabo cómpre elaborar agora grupos de traballo. Para comezar sería preciso que de haber algunha idea nova con respecto á proposta de traballo nola fixerades chegar ou nos achegarades vós unha nova. Despois de ter claro cal vai ser o noso soporte en papel teremos que gravar unha maqueta para presentarlla a Radio Obradoiro ou Radio Fusión, que serían as emisoras nas que se emitiría o programa.

Pola nosa parte máis nada, agardamos as vosas respostas e esperamos vervos en vindeiras Asembleas para tratar o tema, xa que resulta máis sinxelo organizar todo o traballo directamente que vía correo electrónico, comitescomunicacion@gmail.com

Concentración en solidariedade co Pobo Saharaui.

O pasado día o exército de Marrocos asaltou violentamente un campamento que o pobo saharaui erguera pacificamente nos arrabaldes de El Aaiún. As tendas ou jaimas, como alí lles chaman, erguéranse sobre as terras do deserto como sinal de protesta polo sometemento político que o goberno marroquí leva exercendo ao longo dos anos sobre o pobo do Sáhara.

Dende os Comités consideramos inconcebíbel que en pleno ano 2010 non se respecte o libre dereito dos pobos a decidir sobre o seu futuro, o libre dereito dos pobos a ser libres. Mais aló de ideais románticos a propia lexislación internacional recoñece o dereito de autodeterminación, un dereito que tanto en Europa, como en África, parece non existir.

Os intereses económicos que Marrocos e os seus aliados da UE, entre eles o Estado español, e os EEUU podan ter no Sáhara Occidental non son nin poden ser excusa para que se someta pola vía da forza a todo un pobo que quere facer exercicio da súa soberanía. Ou polo menos non debera servir de excusa en sociedades mínimamento democráticas.

Por iso, hoxe ás 20:00 na praza de Cervantes convócase unha concentración en solidariedade co pobo saharaui. Fagamos escoitar a nosa voz. Demostremos que os actos terroristas, de estado ou non, son condenados do mesmo xeito tanto se se producen en Europa ou en África, en América ou en Asia. Sexamos coherentes e manifestémonos contra un crime do que Marrocos é culpábel e do España, en grande medida, responsábel.

Que está a pasar co galego nos medios de comunicación?

Este pasado xoves os Comités de Ciencias da Comunicación celebramos o primeiro acto do novo curso na compaña de Xurxo Souto e Xosé Manuel Pereiro, o Decano do Colexio de Xornalistas de Galiza. Aínda que a verdade o horario non axudaba moito un grupiño de 50 persoas acudiron a esta charla na que intentamos comprender algo mellor que é o que está a pasar co galego nos medios de comunicación.

A charla deu arranque a un conxunto de actividades que ao longo deste curso os Comités levaremos a cabo para concienciar e facer reflexionar a todos e todas sobre a necesidade e o futuro duns medios que comuniquen no noso idioma, en galego. A Universidade, como institución inserida na sociedade, ten que ser un lugar de reflexión e debate ao respecto das problemáticas do país. E na nosa facultade o binomio galego-medios de comunicación debe ser obxecto de continua análise. Por nós que o debate non falte.

Os Comités arrasan nas eleccións a claustro

No día de onte celebráronse as eleccións a claustro, consello de departamento e reitoría. Os Comités participamos nos dous primeiros procesos obtendo un resultado excelente en ámbolos dous. A continuación compartimos con vosco os resultados obtidos

CLAUSTRO

Persoas electas

Miguel Rodríguez Fernández (Comités) --> 48 votos
Paula Martínez Casares (Comités) --> 33 votos

Persoas non electas

Lorena Otero Santiago (Comunicación Estudantil) --> 13 votos
Marina Rey Yebenes (Iniciativa Estudantil Galega) --> 8 votos
Elena Martín Lores (Sindicato de Estudantes) --> 7 votos

CONSELLO DE DEPARTAMENTO

Tradicionalmente o resto de organizacións estudantís non se presentan a este órgano porque participar nel non é politicamente rentábel. Por este motivo a candidatura dos Comités foi proclamada sen necesidade de votación.

Persoas electas en 3º ciclo

Paulo Carlos López López (Comités)

Persoas electas en 1º e 2º ciclo

Iris Domato Fernández (Comités)
David Fernández García (Comités)
Patricia Lamas Rivero (Comités)
Cibrán Tenreiro Uzal (Comités)

ELECCIÓNS A REITOR NO ESTUDANTADO

Lourenzo Fernández Prieto --> 54 votos
Juan Varela Durán --> 29 votos
Pilar Bermejo Barrera --> 19 votos
Juan José Casares Long --> 12 votos
Laura Sánchez Piñón --> 6 votos
Mercedes Brea --> 3 votos
Jaime Gómez Márquez --> 0 votos

Branco --> 14 votos
Nulo --> 6 votos


Primeira valoración

Os Comités queremos agradecer a todos e todas os que depositáchedes a vosa confianza na nosa candidatura. Mantemos firme a nosa vontade de levar a voz do estudantado ao claustro e de loitar por un ensino público, galego, democrático e de calidade.

A respecto das anteriores eleccións a claustro, hai xa dous anos, duplicamos a nosa representación acadando así o 100% dos postos dispoñíbeis na Facultade de Ciencias da Comunicación. Mais como ben saberedes, non somos unha organización amarelista que só aparece cando hai eleccións. Estamos todos os días nas aulas organizando actividades, chamando á mobilización e defendendo un modelo de universidade diferente ao que nos queren impor.

ADIANTE COS COMITÉS!

POR UN ENSINO PÚBLICO, GALEGO, DEMOCRÁTICO E DE CALIDADE!

Valoración das eleccións na USC: Os Comités voltamos gañar doblando a nosa representación

Os Comités gañamos unha vez máis nas eleccións a Claustro da USC, xa que contianuamos a ser a organización maioritaria do estudantado galego, cuns resultados que nos sitúan cunha amplísima vantaxe por diante das demais asociacións. Mais desta volta conseguimos duplicar o número de claustrais que obtiveramos nos anteriores comicios de hai dous anos. No novo Claustro da Universidade de Santiago o estudantado estará representado por 24 claustrais dos Comités (6 polo campus de Lugo e 18 polo de Compostela). Por outra banda, estes 24 claustrais proveñen de diversos centros que abranguen a práctica totalidade das facultades da USC, outorgando á nosa organización un carácter de implantación xeral. Desta forma, obtivemos claustrais en Bioloxía, Relacións Laborais, Ciencias da Educación, Enxeñería Técnica, Historia e Xeografía, Medicina, Comunicación, Económicas, Filoloxía; e en Lugo na Escola Politécnica Superior, na ETSE e en ADE. Mais a pesar do éxito acadado, temos que denunciar as irregularidade no proceso de votación, de corte caciquil, acometidas por estudantes e profesorado en beneficio de asociacións estudantís ligadas ao PP, e que se produciron con reincidencia en Dereito e Económicas.

Pero a pesar destes e outros atrancos, e de seren unhas eleccións tan competitivas que non se lembran precedentes, os intereses e dereitos do estudantado continuarán presnetes no máximo órgao de goberno universitario e con moita máis forza grazas ás e aos estudnates que confiaron, se mobilizaron e votaron Comités. Os Comités continuaremos traballando tamén no Claustro para dar unha viraxe de 180 graos na implantación de Boloña e reverter o seu efecto elitista e privatizador sobre universidade, para reducir as taxas académicas, para protestar fronte a intromisión da empresa privada e bancos na USC, para seguir defendedo o galego coma lingua vehicular da univerisdade e os dereitos lingüísticos do estudando galego.... En definitiva, tal e como fixemos no anterior periodo, os Comités continuaremos loitaremos con medidas e posicións reais e concretas en Claustro por un ensino público, galego, democrático e de calidade.

(via Comités)

O 5 de maio, toca volver votar!

Os Comités sempre participamos en todos os proceso electorais da Universidade. Cómpre aproveitar calquera espazo de representación para facer chegar as nosas reivindicacións e garantir a presenza do estudantado nos órganos de decisión. Malia todo, somos conscientes da falla de información que hai polo que moita xente non sabe até que punto son importantes os procesos electorais.

QUE SE DECIDE DESTA VOLTA?

Estas eleccións son un tanto especiais porque coinciden nelas tres procesos ben diferenciados: as eleccións a claustro, a reitoría e a consello de departamento.

QUE VÉN SENDO O CLAUSTRO?

O claustro é o máximo órgano de decisión da Universidade. Está composto por 300 persoas entre as cales o estudantado SÓ conta cun 27%. O restante divídese entre profesorado (65%) e persoal de administración e servizos (8%).

As principais competencias do claustro son lexislar sobre os temas máis importantes da Universidade (estatuto do estudantado, regulamento electoral, estatutos...), controlar o goberno da Universidade, aprobar as liñas xerais dos orzamentos e ser o órgano onde se exprese a opinión de toda a comunidade universitaria.

E OS CONSELLOS DE DEPARTAMENTO?

Son os órganos nos que se decide a programación das materias de cada departamento. Polo tanto, as súas principais competencias son as de programación, desenvolvemento e seguimento das materias impartidas, estudos de doutoramento e cursos de posgrao, a coordinación da actividade investigadora e a formación do profesorado.

QUE POSTURA TEMOS A RESPECTO DO REITOR/A?

Os Comités consideramos que ningún/a dos/as sete candidatos/as a Reitor/a representa un modelo alternativo para transformar esta universidade. É por iso que che pedimos o voto en branco para non afundir con eles e con elas.

--------------------------------------------------------------------------------------------------------

O NOSO POSICIONAMENTO NO CLAUSTRO

QUE OPINAMOS DAS RESIDENCIAS?

Pedimos unha solución para a precariedade na que se atopan algunhas residencias públicas. Asemade, demandamos que primen os criterios económicos fronte aos académicos á hora de acceder a unha praza e que estas cubra polo menos un 15% dos matriculados na USC. Defendemos o mantemento do seu carácter público e a súa autoxestión por parte dos e das residentes.

QUE OPINAMOS DA LINGUA?

Esiximos o desenvolvemento do Plano de Normalización Lingüística da USC, de xeito que se extenda o uso do noso idioma en toda a comunidade universitaria. Demandamos que todos os exames e entreguen primeiramente en galego e que prime o dominio da lingua propia na contratación do profesorado.

QUE OPINAMOS DA DOCENCIA?

Esiximos que se garanta a docencia das licenciaturas e diplomaturas namentres estas non se extingan. Asemade, pularemos pola eliminación do límite de prazas que na actualidade se están a reducir cada día máis froito do proceso de Boloña.

QUE OPINAMOS SOBRE AS INFRAESTRUTURAS?

Non pode chover máis dentro das facultades que fóra. Ten que ser unha prioridade da USC solucionar as carencias que hai nas súas instalacións.

QUE OPINAMOS SOBRE A SITUACIÓN FINANCIERA?

Abonda de recortes! A Xunta ten que garantir o financiamento da universidade pública. O claustro é unha boa ferramenta para presionar o goberno de Feijoo.

O VINDEIRO DÍA 5 EMBÁRCATE CON NÓS!

VOTA A PAULA MARTÍNEZ CASARES OU A MIGUEL RODRÍGUEZ FERNÁNDEZ!