Programa de radio do estudantado

Os Comités de Ciencias da Comunicación temos entre mans un proxecto para crear un programa feito polo alumnado da facultade. Trátase dun espazo aberto, no que poden participar todas as persoas interesadas e onde poñer en práctica todos eses coñecementos que adquirimos na facultade, así como dunha plataforma para entrar en contacto directo co mundo dos medios de comunicación.

O programa que pensamos desde os Comités chamaríase LEIRA DA LERIA. Trátase dun espazo onde prima a palabra, a reflexión e a cultura mesturado con música e entretemento. O noso proxecto está totalmente aberto para novas aportacións, críticas ou incluso a unha total reformulación do espazo.

Neste espazo que vos propoñemos esixirase un compromiso serio, pois tratarase dun programa que sairá a antena, polo que cada persoa terá que deixar claro de antemán cal será o seu nivel de implicación no proxecto. Haberá un par de persoas fixas que saian cada día en antena para conducir o programa. Ademais, contarase con colaboradores para cada sección e tamén para todo o traballo que hai detrás de cada programa: o guión, a produción, a documentación...

Para levar todo este proxecto a cabo cómpre elaborar agora grupos de traballo. Para comezar sería preciso que de haber algunha idea nova con respecto á proposta de traballo nola fixerades chegar ou nos achegarades vós unha nova. Despois de ter claro cal vai ser o noso soporte en papel teremos que gravar unha maqueta para presentarlla a Radio Obradoiro ou Radio Fusión, que serían as emisoras nas que se emitiría o programa.

Pola nosa parte máis nada, agardamos as vosas respostas e esperamos vervos en vindeiras Asembleas para tratar o tema, xa que resulta máis sinxelo organizar todo o traballo directamente que vía correo electrónico, comitescomunicacion@gmail.com

Concentración en solidariedade co Pobo Saharaui.

O pasado día o exército de Marrocos asaltou violentamente un campamento que o pobo saharaui erguera pacificamente nos arrabaldes de El Aaiún. As tendas ou jaimas, como alí lles chaman, erguéranse sobre as terras do deserto como sinal de protesta polo sometemento político que o goberno marroquí leva exercendo ao longo dos anos sobre o pobo do Sáhara.

Dende os Comités consideramos inconcebíbel que en pleno ano 2010 non se respecte o libre dereito dos pobos a decidir sobre o seu futuro, o libre dereito dos pobos a ser libres. Mais aló de ideais románticos a propia lexislación internacional recoñece o dereito de autodeterminación, un dereito que tanto en Europa, como en África, parece non existir.

Os intereses económicos que Marrocos e os seus aliados da UE, entre eles o Estado español, e os EEUU podan ter no Sáhara Occidental non son nin poden ser excusa para que se someta pola vía da forza a todo un pobo que quere facer exercicio da súa soberanía. Ou polo menos non debera servir de excusa en sociedades mínimamento democráticas.

Por iso, hoxe ás 20:00 na praza de Cervantes convócase unha concentración en solidariedade co pobo saharaui. Fagamos escoitar a nosa voz. Demostremos que os actos terroristas, de estado ou non, son condenados do mesmo xeito tanto se se producen en Europa ou en África, en América ou en Asia. Sexamos coherentes e manifestémonos contra un crime do que Marrocos é culpábel e do España, en grande medida, responsábel.

Que está a pasar co galego nos medios de comunicación?

Este pasado xoves os Comités de Ciencias da Comunicación celebramos o primeiro acto do novo curso na compaña de Xurxo Souto e Xosé Manuel Pereiro, o Decano do Colexio de Xornalistas de Galiza. Aínda que a verdade o horario non axudaba moito un grupiño de 50 persoas acudiron a esta charla na que intentamos comprender algo mellor que é o que está a pasar co galego nos medios de comunicación.

A charla deu arranque a un conxunto de actividades que ao longo deste curso os Comités levaremos a cabo para concienciar e facer reflexionar a todos e todas sobre a necesidade e o futuro duns medios que comuniquen no noso idioma, en galego. A Universidade, como institución inserida na sociedade, ten que ser un lugar de reflexión e debate ao respecto das problemáticas do país. E na nosa facultade o binomio galego-medios de comunicación debe ser obxecto de continua análise. Por nós que o debate non falte.

Os Comités arrasan nas eleccións a claustro

No día de onte celebráronse as eleccións a claustro, consello de departamento e reitoría. Os Comités participamos nos dous primeiros procesos obtendo un resultado excelente en ámbolos dous. A continuación compartimos con vosco os resultados obtidos

CLAUSTRO

Persoas electas

Miguel Rodríguez Fernández (Comités) --> 48 votos
Paula Martínez Casares (Comités) --> 33 votos

Persoas non electas

Lorena Otero Santiago (Comunicación Estudantil) --> 13 votos
Marina Rey Yebenes (Iniciativa Estudantil Galega) --> 8 votos
Elena Martín Lores (Sindicato de Estudantes) --> 7 votos

CONSELLO DE DEPARTAMENTO

Tradicionalmente o resto de organizacións estudantís non se presentan a este órgano porque participar nel non é politicamente rentábel. Por este motivo a candidatura dos Comités foi proclamada sen necesidade de votación.

Persoas electas en 3º ciclo

Paulo Carlos López López (Comités)

Persoas electas en 1º e 2º ciclo

Iris Domato Fernández (Comités)
David Fernández García (Comités)
Patricia Lamas Rivero (Comités)
Cibrán Tenreiro Uzal (Comités)

ELECCIÓNS A REITOR NO ESTUDANTADO

Lourenzo Fernández Prieto --> 54 votos
Juan Varela Durán --> 29 votos
Pilar Bermejo Barrera --> 19 votos
Juan José Casares Long --> 12 votos
Laura Sánchez Piñón --> 6 votos
Mercedes Brea --> 3 votos
Jaime Gómez Márquez --> 0 votos

Branco --> 14 votos
Nulo --> 6 votos


Primeira valoración

Os Comités queremos agradecer a todos e todas os que depositáchedes a vosa confianza na nosa candidatura. Mantemos firme a nosa vontade de levar a voz do estudantado ao claustro e de loitar por un ensino público, galego, democrático e de calidade.

A respecto das anteriores eleccións a claustro, hai xa dous anos, duplicamos a nosa representación acadando así o 100% dos postos dispoñíbeis na Facultade de Ciencias da Comunicación. Mais como ben saberedes, non somos unha organización amarelista que só aparece cando hai eleccións. Estamos todos os días nas aulas organizando actividades, chamando á mobilización e defendendo un modelo de universidade diferente ao que nos queren impor.

ADIANTE COS COMITÉS!

POR UN ENSINO PÚBLICO, GALEGO, DEMOCRÁTICO E DE CALIDADE!

Valoración das eleccións na USC: Os Comités voltamos gañar doblando a nosa representación

Os Comités gañamos unha vez máis nas eleccións a Claustro da USC, xa que contianuamos a ser a organización maioritaria do estudantado galego, cuns resultados que nos sitúan cunha amplísima vantaxe por diante das demais asociacións. Mais desta volta conseguimos duplicar o número de claustrais que obtiveramos nos anteriores comicios de hai dous anos. No novo Claustro da Universidade de Santiago o estudantado estará representado por 24 claustrais dos Comités (6 polo campus de Lugo e 18 polo de Compostela). Por outra banda, estes 24 claustrais proveñen de diversos centros que abranguen a práctica totalidade das facultades da USC, outorgando á nosa organización un carácter de implantación xeral. Desta forma, obtivemos claustrais en Bioloxía, Relacións Laborais, Ciencias da Educación, Enxeñería Técnica, Historia e Xeografía, Medicina, Comunicación, Económicas, Filoloxía; e en Lugo na Escola Politécnica Superior, na ETSE e en ADE. Mais a pesar do éxito acadado, temos que denunciar as irregularidade no proceso de votación, de corte caciquil, acometidas por estudantes e profesorado en beneficio de asociacións estudantís ligadas ao PP, e que se produciron con reincidencia en Dereito e Económicas.

Pero a pesar destes e outros atrancos, e de seren unhas eleccións tan competitivas que non se lembran precedentes, os intereses e dereitos do estudantado continuarán presnetes no máximo órgao de goberno universitario e con moita máis forza grazas ás e aos estudnates que confiaron, se mobilizaron e votaron Comités. Os Comités continuaremos traballando tamén no Claustro para dar unha viraxe de 180 graos na implantación de Boloña e reverter o seu efecto elitista e privatizador sobre universidade, para reducir as taxas académicas, para protestar fronte a intromisión da empresa privada e bancos na USC, para seguir defendedo o galego coma lingua vehicular da univerisdade e os dereitos lingüísticos do estudando galego.... En definitiva, tal e como fixemos no anterior periodo, os Comités continuaremos loitaremos con medidas e posicións reais e concretas en Claustro por un ensino público, galego, democrático e de calidade.

(via Comités)

O 5 de maio, toca volver votar!

Os Comités sempre participamos en todos os proceso electorais da Universidade. Cómpre aproveitar calquera espazo de representación para facer chegar as nosas reivindicacións e garantir a presenza do estudantado nos órganos de decisión. Malia todo, somos conscientes da falla de información que hai polo que moita xente non sabe até que punto son importantes os procesos electorais.

QUE SE DECIDE DESTA VOLTA?

Estas eleccións son un tanto especiais porque coinciden nelas tres procesos ben diferenciados: as eleccións a claustro, a reitoría e a consello de departamento.

QUE VÉN SENDO O CLAUSTRO?

O claustro é o máximo órgano de decisión da Universidade. Está composto por 300 persoas entre as cales o estudantado SÓ conta cun 27%. O restante divídese entre profesorado (65%) e persoal de administración e servizos (8%).

As principais competencias do claustro son lexislar sobre os temas máis importantes da Universidade (estatuto do estudantado, regulamento electoral, estatutos...), controlar o goberno da Universidade, aprobar as liñas xerais dos orzamentos e ser o órgano onde se exprese a opinión de toda a comunidade universitaria.

E OS CONSELLOS DE DEPARTAMENTO?

Son os órganos nos que se decide a programación das materias de cada departamento. Polo tanto, as súas principais competencias son as de programación, desenvolvemento e seguimento das materias impartidas, estudos de doutoramento e cursos de posgrao, a coordinación da actividade investigadora e a formación do profesorado.

QUE POSTURA TEMOS A RESPECTO DO REITOR/A?

Os Comités consideramos que ningún/a dos/as sete candidatos/as a Reitor/a representa un modelo alternativo para transformar esta universidade. É por iso que che pedimos o voto en branco para non afundir con eles e con elas.

--------------------------------------------------------------------------------------------------------

O NOSO POSICIONAMENTO NO CLAUSTRO

QUE OPINAMOS DAS RESIDENCIAS?

Pedimos unha solución para a precariedade na que se atopan algunhas residencias públicas. Asemade, demandamos que primen os criterios económicos fronte aos académicos á hora de acceder a unha praza e que estas cubra polo menos un 15% dos matriculados na USC. Defendemos o mantemento do seu carácter público e a súa autoxestión por parte dos e das residentes.

QUE OPINAMOS DA LINGUA?

Esiximos o desenvolvemento do Plano de Normalización Lingüística da USC, de xeito que se extenda o uso do noso idioma en toda a comunidade universitaria. Demandamos que todos os exames e entreguen primeiramente en galego e que prime o dominio da lingua propia na contratación do profesorado.

QUE OPINAMOS DA DOCENCIA?

Esiximos que se garanta a docencia das licenciaturas e diplomaturas namentres estas non se extingan. Asemade, pularemos pola eliminación do límite de prazas que na actualidade se están a reducir cada día máis froito do proceso de Boloña.

QUE OPINAMOS SOBRE AS INFRAESTRUTURAS?

Non pode chover máis dentro das facultades que fóra. Ten que ser unha prioridade da USC solucionar as carencias que hai nas súas instalacións.

QUE OPINAMOS SOBRE A SITUACIÓN FINANCIERA?

Abonda de recortes! A Xunta ten que garantir o financiamento da universidade pública. O claustro é unha boa ferramenta para presionar o goberno de Feijoo.

O VINDEIRO DÍA 5 EMBÁRCATE CON NÓS!

VOTA A PAULA MARTÍNEZ CASARES OU A MIGUEL RODRÍGUEZ FERNÁNDEZ!

Saimos na prensa!

As xornadas dos Comités saen en Europa Press e en Chuza!

Martxelo Otamendi participará en Santiago en unas jornadas sobre economía, periodismo, lengua y movimientos sociales

La iniciativa organizada por los CAF contará con expertos como Beiras Torrado, Miguel Anxo Murado y directivos de R

SANTIAGO DE COMPOSTELA, 15 Abr. (EUROPA PRESS) -

El ex director de Egunkaria, Martxelo Otamendi, estará el próximo día 20 de abril en Santiago de Compostela como "plato fuerte" de las jornadas sobre economía, periodismo, lengua y movimientos sociales 'O Mundo na encrucillada', que organizan los Comités Abertos de Facultade entre los días 19 y 22 de este mes.

Así lo anunciaron hoy los CAF de las facultades de Economía, Filología y Periodismo en una rueda

Publicar mensagem

de prensa en la que presentaron estas jornadas, que tienen como objetivo ofrecer "formación académica" sobre cuestiones relacionadas con la economía, la comunicación, la lengua y los movimientos sociales en el siglo XXI, desde un punto de vista "olvidado por los mass media".

Las charlas comenzarán el día 19 de abril a las 12.00 horas en la Facultad de Económicas con una entrevista en directo a directivos de la empresa de telecomunicaciones R, que analizarán el mercado empresarial gallego. Seguidamente, a las 16.00 horas tendrá lugar la conferencia 'Déficit y cambio de paradigma energético' a cargo del ex director del Inega Xoán Ramón Doldán.

A las 17.00 horas será el turno del ex director de Desenvolvemento Rural Edelmiro López, el juez de primera instancia de A Fonsagrada Luis Villares y la secretaria xeral del Sindicato Labrego Galego, Carmen Freire; que intervendrán en una charla sobre el futuro del medio rural gallego en el siglo XXI. Para concluir, Xosé Manuel Beiras, Xavier Vence y María do Carme García Negro participarán en la mesa redonda 'Crisis: ¿y soluciones?'.

COMUNICACIÓN

La segunda jornada del encuentro estará dedicada a la comunicación y el periodismo y será inaugurada en la Facultad de Periodismo a las 10.30 horas con la conferencia 'Propiedad Intelectual y conocimiento libre', en la que participarán expertos del software y la creación libre.

Posteriormente, a las 12.00 horas será el turno del antiguo director de la Axencia Galega do Audiovisual, Manolo González, que ofrecerá una charla sobre este ente público de promoción audiovisual. A las 16.30 horas del día 20 intervendrá en las jornadas Martxelo Otamendi, que hablará sobre el caso Egunkaria y 'Las lenguas minoritarias en la era de la globalización'.

Para terminar la jornada intervendrá en el evento Xurxo Salgado, del Sindicato de Xornalistas de Galicia, y Xosé Manuel Pereiro, del Colexio de Xornalistas de Galicia, que analizarán la influencia de la precariedad laboral en la calidad de la información; y Miguel Anxo Murado, sobre 'El conflicto en Oriente Medio'.

TERCERA JORNADA

La tercera jornada estará protagonizada por las cuestiones idiomáticas y de identidad, y será abierta por una charla sobre 'Construcción de las literaturas nacionales' a cargo de Pilar García Negro y el escritor africano en lengua gallega Víctor Obmgá en la Facultad de Filología. A las 12.00 horas tomarán la palabra los profesores Dolores Vilavedra y Francisco Rodríguez, que tratarán 'Como se forjó la identidad gallega a través de la lengua y la literatura'.

Ya por la tarde será el turno del secretario del Consello da Cultura Galega, Henrique Monteagudo, que ofrecerá un debate sobre lenguas minorizadas con Sechu Sende y Francisco Fernández Rei; y a las 18.30 horas intervendrá el académico de la RAG Carlos Varela, que comentará la temática 'La lengua más allá de las fronteras'.

Para concluir el encuentro, el jueves día 22 será la jornada dedicada a los movimientos sociales y se celebrará en la Facultad de Económicas. En esta ocasión, las charlas girarán en torno al movimiento obrero en Galicia, los derechos de mujeres y miembros del colectivo homosexual y transexual y el movimiento estudiantil en Galicia.

DESAFÍOS ECOLÓGICOS DE GALICIA

Como complemento, las jornadas finalizarán el 23, 24 y 25 de abril con un viaje a Lobios (Ourense) bajo el título 'Los desafíos ecológico-sociales de la Galicia del siglo XXI'. Durante el viaje, que durará las tres jornadas, los asistentes tratará las problemáticas sociales del rural gallego, la geología y naturaleza de la zona y los movimientos políticos de la frontera con Portugal.

Las jornadas 'O mundo na encrucillada' serán de asistencia libre y gratuita, pero los interesados en conseguir un crédito de libre configuración deberán anotarse, así como para participar en el viaje, que tendrá un coste total de 30 euros, incluidos transportes, alojamiento y manutención.

O mundo na encrucillada: os desafíos do século XXI

Por iniciativa dos Comités, o campus norte da Universidade de Santiago de Compostela contará cun grande evento na vindeira semana. Comprácenos enormemente presentarvos as xornadas "O mundo na encrucillada: os desafíos do século XXI", un curso formativo sobre economía, xornalismo, lingua e movementos sociais.

Celebraranse entre os días 19 e 25 de abril e constarán de dúas partes. A primeira, composta por diferentes conferencias, mesas redondas e debates, terá lugar nas facultades de Económicas, Filoloxía e Ciencias da Comunicación entre o luns 19 e o xoves 22. Para esta parte está solicitado UN CRÉDITO DE LIBRE CONFIGURACIÓN e a inscrición será completamente de balde. A segunda parte consiste nunha viaxe ao concello de Lobios na que se combinarán diferentes actividades formativas e recreativas. Tamén está solicitado OUTRO CRÉDITO DE LIBRE CONFIGURACIÓN, e o seu custe será tan só de 30€ para sufragar parte dos custes. A viaxe, o aloxamento, o almorzos e máis os xantares están incluídos no prezo. Ollo! Para participar nesta segunda parte hai que ter asistido ás conferencia dos primeiros días!

Para inscribirvos tan só tedes que mandar un correo electrónico a comitesecoade@hotmail.es poñendo o voso nome e apelidos xunto co carnet de indentidade e indicando se ides participar nunha ou nas dúas partes das xornadas.

A continuación poñemos o programa completo. Se vos gusta, non dubidedes en vos apuntar. PAGA A PENA!

LUNS 19 DE ABRIL: Facultade de CC Económicas e empresariais (Aula B)

12:00 – 14:00

Outra forma de entender o mercado galego; o caso de “R”

• Entrevista en directo a directivos da empresa de telecomunicacións R

16:00 - 17:00

Conferencia: Déficit e cambio de paradigma enerxético

• Xoán Ramón Doldán García, ex director do INEGA

17:00 – 19:00

Charla - Coloquio: Ten futuro o rural no século XXI ?

• Edelmiro López Iglesias, ex director de Desenvolvemento Rural e profesor titular da USC
• Luis Villares Naveira, xuíz de primeira instancia único na Fonsagrada e coordinador de Xuíces Pola Democracia en Galiza
  
• Carmen Freire, secretaria xeral do Sindicato Labrego galego
  

19:00 – 21:00

Mesa redonda – coloquio: Crises; e solucións ?

• Xosé Manuel Beiras Torrado, profesor emérito da USC
  
• Xavier Vence Deza, catedrático de Economía Aplicada da USC
• María do Carme García Negro, catedrática de Economía Aplicada da USC

Textos para traballo: “Anatomía dun eurodesastre” Paul Krugman

MARTES 20 DE ABRIL: Facultade de CC da Comunicación (Auditorio)

10:30 – 12:00

Conferencia: Propiedade intelectual e coñecemento libre

• Pedro Silva, creador de Blogaliza
• Francisco Alvarellos da Casa de Música
• Miguel Mosqueira de Ataque Escampe
  

12:00 – 14:00

Conferencia: Axencia Audiovisual Galega: cando Galiza estivo á vangarda da creación audiovisual

• Manolo González, antigo director da Axencia Galega Audiovisual

16:30 – 18:00

Conferencia: Linguas minoritarias na era da globalización. Creación, desenvolvemento e futuro do caso de Egunkaria

• Martxelo Otamendi, ex director de Egunkaria e actual director de Berria

Textos para o traballo: “O sumario de oito anos demostrou que non se debía clausurar Egunkaria” Imanol Murua Uria (1 hora e 30minutos)

18:00 – 19:45

Conferencia: Crise e precariedade na comunicación

• Xurxo Salgado, secretario xeral do Sindicato de Xornalistas de Galiza (SXG)
  
• Xosé Manuel Pereiro, presidente do Colexio de Xornalistas de Galiza

19:45 – 21:30 Proxección do documental “La revolución no será transmitida”

MÉRCORES 21 DE ABRIL: Facultade de Filoloxía (Salón de graos)

10:00 – 12:00

Conferencia: Construcción das literaturas nacionais

• Victor Obmgá, escritor africano en lingua galega
  
• Mª Pilar García Negro, política, escritora, sociolingüista e filóloga galega.

12:00 – 14:00

Conferencia: Como se forxou a identidade galega a través da lingua e a literatura

• Francisco Rodríguez, doutor en filoloxía románica pola USC
• Dolores Vilavedra, profesora de literatura galega da USC

16:30 – 18:30

Charla-coloquio: Linguas minorizadas a debate

• Henrique Monteagudo, sociolingüista e secretario do Consello daCultura Galega
• Sechu Sende, sociolingüista e escritor
• Francisco Fernández Rei, catedrático de filoloxía románica da USC

18:30 – 20:30

A lingua alén das fronteiras

• Proxección do documental “Fronteiras”
• Palestra a cargo de Carlos Varela, académico da RAG e presidente da asociación eo - naviega “Abertal”

Escolma de textos de literatura, sociolingüística e identidade nacional para traballar.

XOVES 22 DE ABRIL: Facultade de CC Económicas e Empresariais (Aula B)

12:00 – 14:00

Charla – coloquio: Teitos de cristal

• Rosa Cobo, representante do movemento feminista
• Rubem Centeno Paradela, representante do movemento LGTB

16:00 – 18:00

Conferencia: O movemento obreiro en Galiza

• Manuel Mera, ex-responsábel de formación da CIG

18:00 – 20:00

Conferencia: Movementos sociais, altermundismo e dereitos colectivos

• Xabier Macias, director da Fundación Galiza Sempre
• Manuel Santos, da publicación Altermundo

20:00 – 21:00

Mesa redonda: Movemento estudantil; historia e perspectivas

• Duarte Romero dos Comités
• Iago Barros de AGIR
• Azucena Rodríguez Amoroso de IESGA

--------------SEGUNDA PARTE DAS XORNADAS-------------------

VENRES 23 DE ABRIL

16.00

Saída cara o Concello de Lobios

18:30-20:30

Charla-coloquio: As problemáticas sociais do rural galego

• David Simo Traballador Social

21:30-23:30

Documental sobre a “Revolución dos cravos”

• Coloquio entre os asistentes sobre cales foron as consecuencias para Galiza dos cambios democráticos conseguiodos no Portugal postfascista.
  

23:30-2:00

• Contos e lendas populares da Raia Seca. (2 horas e 30 minutos)

SÁBADO 24 DE ABRIL

9:30-19:30

Roteiro polo Xurés-Jeres con ponencias sobre “Xeoloxía, Ecoloxía, Sustentabilidade, Parques aturais, Xestión da paisaxe”

• Un biólogo, un xeólogo e un inxeneiro forestal da asociación ecoloxista ADEGA

19:30-20:30

Visita guiada polo povo portugues de “Pitoes”

21:30-23:30

A separación do Reino de Galiza e as súas consecuencias políticas. Do nacemento de Portugal a incorporación da parte norte ao Reino de Castela

• Ana Bande, lingüísta

23:30-1:30

Desafíos de futuro e relacións humano económicas entre Galiza e Portugal

• J.A. Gonzalez López Economista
  

DOMINGO 25 DE ABRIL

10.00-18:30

Visita guiada polo Concello Portugués de Montealgre

18:30

Volta para Compostela

Texto de traballo sobre a experiencia histórica do Couto mixto; cap. 1 de “Couto Mixto “La República”” , de Lage Antúnez